Ay ağalar, ay qazılar

Ay ağalar, ay qazılar Müəllif: Şair Aydın

Mənbə: "Sazlı-sözlü Göyçə (II kitab)" (PDF) (az.). Elm və təhsil. 2018. 2018-06-01 tarixində arxivləşdirilib (PDF). İstifadə tarixi: 2018-06-01.

Ay ağalar, ay qazılar,
Dünya kimə qalacaqdı!?
Cəfa çəkdim, can çürütdüm,
Fələk bir gün alacaqdı.

Oturubsan ağ otaqda,
Olmayacaq bu damax da.
Altın torpaq, üstün taxta,
İnkir-minkir gələcəkdi.

Aydın deyər, malın çoxdu,
Çox malın vəfası yoxdu.
Körpü birdi, karvan çoxdu,
Gələn bir-bir keçəcəkdi.