Ay bu yanda dur

Vikimənbə saytından
Jump to navigation Jump to search
Ay bu yanda dur
Müəllif: Aşıq Abbas Tufarqanlı
Mənbə: Aşıq sənəti / Aşıq poeziyası: Qoşma

Başına döndüyüm alagöz Pərim,
Apardın ağlımı, ay bu yanda dur!
Ağıl başda deyil, ruh da bədəndə,
Eylədin tarımar, ay bu yanda dur!

Halaldandır mayam, bulunmaz haram,
Qırxlar məclisində mən orda varam,
Seyrağıb adamla heç olmaz aram,
Şeytandı, felindən, ay bu yanda dur!

Abbasam, dövranım, ay belə keçdi,
Dolandı ruzigar, ay belə keçdi,
Sallandı bir pərim, ay belə keçdi,
O səbəbdən dedim, ay bu yanda dur!