Ay edər qıj-qıj

Ay edər qıj-qıj Müəllif: Aşıq Alı

dodaqdəyməz qoşma təcnis
Mənbə: Niftalı Göyçəli. "Göyçə ustadları" (antologiya), I hissə (PDF) (az.). Bakı: "Elm və təhsil". 2017. ISBN 978-9952-8176-1-2. 2017-11-23 tarixində arxivləşdirilib (PDF). İstifadə tarixi: 2017-11-23.

Yağar leysan, dağda qarı əridər,
Şəlalə sədası ay edər qıj-qıj.
Açar xəlic, xakı salar irağa,
Sədası sərində ay edər qıj-qıj.

Açırsan qəşəng xan ad aşa dəyər,
Yada həcər atsan, adaşa dəyər.
Daşar çaylar, sellər a daşa dəyər,
Səngin sədasından ay edər qıj-qıj.

Ərş əlada dal qeydinə dal qalar,
Qaçhaqaçda hey geride dal qalar,
Aşıq Alı, şaxə qalxar dalqalar,
Nərəsin çəkəndə ay eylər qıj-qıj.