Ay oğlan (Aşıq Qurbani)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Ay oğlan (Aşıq Qurbani)
Müəllif: Dirili Qurbani
Mənbə: Qəzənfər Kazımov (2008). Seçilmiş əsərləri (10 cilddə, III cild) (az). Nurlan. Orijinal mənbədən 2018-09-05 tarixində arxivləşdirilib. Yoxlanılıb 2018-09-05.

Şirin yuxusuna qurban olduğum,
Gözlәrin aç, mehribanım, ay oğlan!
Bu hәsrәt gözlәrim baxsın gözünә,
Tәzәlәnsin din-imanım, ay oğlan!

Kәnardan baxmaqla doya bilmirәm,
Üzüm üzün üstә qoya bilmirәm,
Xuban yanımdadı, deyә bilmirәm,
Aç gözünü, çıxdı canım, ay oğlan!

Artırma könlümün dәrdü-sәrini,
Yaxşı var, yaman var, bunda görünü.
Başına dolandır mәzlum Pәrini,
Aç gözünü, yox tavanım, ay oğlan!