Ay pəri

Ay pəri Müəllif: Şair Məmmədhüseyn

Mənbə: Şair Məmmədhüseyn. "Nur çeşməsi" (PDF) (az.). Elm və təhsil. 2018. İstifadə tarixi: 2018-09-20.

İncimişəm bir sözündən,
Gəl könlümü al, ay Pəri.
Göz yoldayam nə müddətdi,
Məni yada sal, ay Pəri.

En yaylaqdan bizim kəndə,
Pişvazına çıxım mən də.
Bircə dəfə sən bu gündə,
Gəl yanımda qal, ay Pəri.

Məmmədhüseyn intizarda,
Gözüm yolda, qəlbim darda.
Geyin-kecin əlvan xara,
Ver ləbindən bal, ay Pəri.