Bədnəzər sahibi

Vikimənbə saytından
Jump to navigation Jump to search
Rəvayətlər. Bədnəzər sahibi
Müəllif: Şifahi xalq ədəbiyyatı


Bir yaman nəzərçi varımış. Nəyi nəzərriyirmişsə, o sahat ona bir şey olmalıymış. Bının bir qonşusu da varımış ki, bınnan yola getmirmiş. Qonşunun da yaxşı bir öküzü varımış. Qonşu bilir ki, nəzərçi bının öküzün nəzəriyyəcəh. Gətirip öküzün boyunduruğun dağdağan ağacınnan düzəldir.

Bir gün qonşu yer şumladığı vax nəzərçi gəlir, bı öküzü nəzərriyir, əmə öküzə heş dad olmur. Nəqqədər orda durup öküzə baxırsa, bir şey çıxmır. Axırda qonşusu deyir ki, lənət gözüvə, çıx get, onsuz da bir şey eliyəmmiyəssən, boyundurux dağdağanandı. Nəzərçi kor-peşiman çıxıp gedir.

Mənbə[redaktə]