Bənövşəni

Vikimənbə saytından
Jump to navigation Jump to search
Bənövşəni
Müəllif: Aşıq Qurbani
Mənbə: Seçmə aşıq şeirləri. 3 cilddə. I cild (az). DGTYB (2011). Orijinal mənbədən 2016-04-01 tarixində arxivləşdirilib. Yoxlanılıb 2016-08-11.

 
Başına döndüyüm ay qәşәng pәri,
Adәtdi, dәrәllәr yaz bәnövşәni.
Ağ nazik әlinlә dәr, dәstә bağla,
Tәr buxaq altında düz bәnövşәni.

Tanrı sәni xoş camala yetirmiş,
Sәni görәn aşiq ağlın itirmiş,
Mәlәklәrmi dәrmiş, göydәn gәtirmiş?
Heyif ki, dәriblәr az bәnövşәni.

Başına döndüyüm, bağa gәl, bağa,
O gözәl hüsnündәn bağa nur yağa.
Dәstә-dәstә dәrib taxar buxağa,
Bәnövşә qız iylәr, qız bәnövşәni.

Sәhәr olcaq şeyda bülbül oxuşdu,
Hökm olundu, süleymanlar yerişdi,
Sәrt qış gәldi, gülün vaxtı sovuşdu,
Daha iylәmirik biz bәnövşәni.

Qurbani der: Könlüm bundan sayrıdı,
Nә etmişәm yarım mәndәn ayrıdı?!
Ayrılıqmı çәkib boynu әyridi?!
Heç yerdә görmәdim düz bәnövşәni.