Bənzər (Aşıq Abbas Tufarqanlı)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Bənzər
Müəllif: Aşıq Abbas Tufarqanlı

 
Pərim, sənin məmələrin,
Mən bilmirəm nəyə bənzər?!
Biri yasin surasına,
Biri əlif-beyə bənzər.

Biri mimdi, biri cimdi,
Bunnarı xəlq edən kimdi?
Biri səhər doğan gündü,
Biri axşam aya bənzər.

Biri Bağdadın xurması
Biri Alxatın alması,
Biri şəkərin xırdası,
Biri şamamaya bənzər.

Abbas deyər ağlım çaşır,
Qolların boynum danaşır.
Duruf taxt üstə boylaşır,
Bir cüt şahzadəyə bənzər.