Baxtım (Aşıq Pəri)

Eyni adda digər əsərlər üçün dəqiqləşdirmə səhifəsinə baxın.

Baxtım Müəllif: Aşıq Pəri

Nə müddətdir bu qəflətdən,
Oyanmırsan, qara baxtım.
Çəkdirdiyin əziyyətdən,
Usanmırsan, qara baxtım.

Atmısan ümmani-qəmə,
Gülünə etmisən aləmə,
Məni dərdə salıb yenə,
Dayanmırsan, qara baxtım.

Axıtdın sel tək qanımı,
Üzmüsən cavan canımı,
Almısan adü-sanımı,
Utanmırsan, qara baxtım?

Yaşayıram zəhmət ilə,
Çətinliklə, zillət ilə,
Sən Pəriyə hörmət ilə,
Dolanmırsan, qara baxtım.