Benamaz

Vikimənbə saytından
Jump to navigation Jump to search
Benamaz
Müəllif: Ululu Kərim
Mənbə: Yusif Səfərov (2011). Naxçıvan aşıqları və el şairləri (az). Naxçıvan: "Əcəmi" NPB. 2017-10-05 tarixində arxivləşdirilib. 2017-10-05 tarixində istifadə olunub.

istədim ki, bir bağ salam, oturam,
Burdan gəldi keçdi, bir yol benamaz.
Bir bağça bəslədim, barın yemədim,
Səbəb ona su bağladı, benamaz.

Köç-köç edib bu dünyadan köçəndə,
O dünyada ağ şərbətin içəndə,
Altı polad qıl körpünü keçəndə,
Onda kimdi havadarın, benamaz.

Köçün uymaz köçənlərin köçünə,
Halın o dünyada necə keçinə,
Səndən bir muy düşdü dərya içinə,
Nəhəngləri zara getdi, benamaz.

Adəmdən olmusan, yoxsa insandan,
Ölərsən bir günü olarsan candan.
Yeddi ev o yandan, yeddi bu yandan,
Atəşinə yandırarlar, benamaz.

Gəl vacibat öyrən, bəlalı dilim,
Əcəldə mürvət yox, qorxuram ölüm,
Bu sözləri dedi Ululu Kərim,
İnanmırsan çat namaza, benamaz.