Haqq cahana doludur,
Kimsələr Haqqı bilməz.
Onu sən səndən istə,
O səndən ayrı olmaz.
Dünyaya inanarsan,
Rizqə mənimdir dersən,
Neçin yalan söylərsən,
Axı sən deyən olmaz.
Axirət çox uzaqdır,
Düzlük əsl yaraqdır,
Ayrılıq sarp fəraqdır,
Heç gedən geri gəlməz.
Dünyaya gələn köçər,
Bir-bir şərbətin içər,
Bu bir körpüdür keçər,
Cahillər onu bilməz.
Gəlin dostluq eyləyək,
Yaxşı sözlər söyləyək,
Gəlin sevək, sevilək,
Dünya kimsəyə qalmaz.
Yunus sözün anlasan,
Mənasını dinləsən,
Sənə Haqq evi gərək,
Burda kimsənə qalmaz.
