Bir gecə ay işığında

Bir gecə ay işığında (1995) Müəllif: RAUF CAVAD

Bir gecə ay işığında,
Daldım əcəb xəyallara.

Getdi o fikrə xəyalım,
Düşdü könlüm uzaqlara.

Sanki səsləyirdi məni
Bir səs uzaqdan yaxına.

Gəl yetis deyirdi, o səs,
Çağırırdı pıçıltıyla.

Var idi o səsdə nəsə,
İstəyir gələm yanına.

Gözləyir ümid yolumu,
Bəlkə çatdım sorağına.

Çox qəribədir olanlar,
Bənzəyir dərdü-bəlaya.

Durmadan gəlirdi o səs
Həyacanla, qulağıma.

Köçmüşdü qəlb də o gecə,
Qərib zülmət qaranlığa.

Çırpınaraq ürəyim də
Can atırdı aydınlığa.

Döyünürdü dəli ürək
Qopub çıxa azadlığa.

Rauf, istəyir hər Aşiq
Qovuşa öz Leylasına!
...Müəllif:Rauf Cavad