Bir namə yazaram

Vikimənbə saytından
Jump to navigation Jump to search
Bir namə yazaram
Müəllif: Yəhya bəy Dilqəm
Mənbə: Aşıq sənəti / Aşıq poeziyası: Qoşma

Bir namə yazaram canan elinə
Əhvalım canana yetişərmola?
Fələk məni tərki-vətən eylədi
Nazlı yar əhvalım soruşarmola?

Əzəldən müştaqəm tuti dillərə,
Müsəlsəl saçlara, siyah tellərə,
Axdı eynim yaşı, döndü sellərə
Yar içən sulara qarışarmola?

O qızılgülləri dərməyən Dilqəm,
Dərib, pünhan yerə sərməyən Dilqəm,
Bu dünyada yarın görməyən Dilqəm,
Ya Rəbb, o dünyada görüşərmola...