Biri ağdı, biri qara, biri nə

Biri ağdı, biri qara, biri nə Müəllif: Sofu Dədə

Mənbə: Tacir Səmimi, "Ağbaba aşıq mühiti", Bakı: "Elm və təhsil", 2014.

 
Bu dünyada insan ilə dolanar,
Biri ağdı, biri qara, biri nə.
Qanan kəslər qəm oduna qalanar,
Üç aləmdən vaqif olmaz birinə.

Ağı gəzən dağı görər faydadı,
Qara gəzən dədə olar - qaydadı.
Üçü görən köməkdədi, haydadı,
Qara quldu dua eylər pirinə.

Haqqı bilən Sofu Dədə kimisi,
Ümmanlarda qərq olarmı gəmisi,
Var-dövləti “torba-çubuq” cəmisi,
Bir ürfandı sözdə gedər dərinə.