Bitir, ey gül üzlüm, ömrüm, bitir intizari-eşqi
Bitir, ey gül üzlüm, ömrüm, bitir intizari-eşqi Müəllif: Vüqar Biləcəri Tərcümə edən: Hüseyn Cəlilov |
Mənbə: Vüqar Biləcəri. "Qərib xəyal" kitabı. Səh 20. |
Bitir, ey gül üzlüm, ömrüm, bitir intizari-eşqi,
Saçır ətri-baği-cənnət, tuta laləzari-eşqi.
Mələyim, behiştə təndir qədəmin dəyən qədəmgah,
Qədəmi-mübarəkinlə bəzədin diyari-eşqi.
Ananın qədəmlərin öp, ey Əliyə yar olan kəs,
Tanıdan halal südündür sənə şəhriyari-eşqi.
Əgər ömr edərsə insaf, yetərəm vüsala bir də,
Yenə qəmli göz yaşımla yuyaram məzari-Eşqi.[1]
Nə görür gözün fənadır, nə var etibarsızdır,
Əsil etibarlılardan götür etibari-eşqi.
Ruxi-yari görsə bir kəs, nə behiştə talib olmaz,
Nə də versələr götürməz bir ömür bəhari-eşqi.
Səni harda görsəm, ey şah, öpərəm qədəmlərindən,
Böyüyər kiçilməyiylə Vüqarın vüqari-eşqi.
- ↑ İmam Əli(ə.s.) adlarından biri də Həzrət Eşqdir.