Biz cahan məmurəsin mənidə viran bilmişiz

Vikimənbə saytından
Biz cahan məmurəsin mənidə viran bilmişiz
Müəllif: Məhəmməd Füzuli
Mənbə: Anar (1999). Min beş yüz ilin oğuz şeri. Antologiya, I kitab. (az). Bakı: "Azərbaycan". 2017-07-08 tarixində arxivləşdirilib. 2017-07-08 tarixində istifadə olunub.

Biz cahan məmurəsin mənidə viran bilmişiz,
Afiyət gəncin bu viran içrə pünhan bilmişiz.
Gər özün dana bilir təqlid ile surətperəst,
Aləmi-təhqiqdə biz onu nadan bilmişiz.
Bixəbərlər şərbəti-rahət bilirler badeyi,
Biz həkimi-veqtiz, onu tökmüşüz, qan bilmişiz.
Bilmişiz kim, mülki-alem kimseyə qılmaz vefa,
Ol zamandan kim, onu mülki-SüIeyman bilmişiz.
Ayn bilmişsən, Füzuli, məscidi meyxanədən,
Səhv imiş ol kim, səni biz əhli-irfan bilmişiz.