Bu gələn Eyvaz, bu gələn

Vikimənbə saytından
Jump to navigation Jump to search
Bu gələn Eyvaz, bu gələn
Müəllif: Koroğlu
Mənbə: Anar (1999). Min beş yüz ilin oğuz şeri. Antologiya, I kitab. (az). Bakı: "Azərbaycan". 2017-07-08 tarixində arxivləşdirilib. 2017-07-08 tarixində istifadə olunub.

Nigar xanım sənə deyim
Bu gələn Eyvaz, bu gələn.
Əynindədir polad geyim,
Bu gəlen Eyvaz, bu gələn.

Eyvazım on beş yaşında,
Qüdrət qələmi qaşmda,
Duma teli var başında,
Bu gələn Eyvaz, bu gələn.

Meydanda igidlər mərdi,
Qabaqda ər oğlu ərdi,
Dava günü qızmış nərdi,
Bu gələn Eyvaz, bu gəlen.

Misri qılınc dəstindədi,
Ərəb atın üstündədi,
Şirin canın qəstindədi,
Bu gələn Eyvaz, bu gələn.

Cemi dəlilerin xası,
Meydanda var mərd davası,
Koroğlunun qoç balası
Bu gələn Eyvaz, bu gələn.