Cənab Cəfərqulu xan Aşıq Pəri Maralyaniyə, Pəri isə Cəfərqulu xana yazmışdır

Cənab Cəfərqulu xan Aşıq Pəri Maralyaniyə, Pəri isə Cəfərqulu xana yazmışdır Müəllif: Mir Möhsün Nəvvab Tərcüməçilər: Nəsrəddin Qarayev, Əkrəm Bağırov

Mənbə: Nəvvab, Mir Möhsün. Təzkireyi-Nəvvab (PDF). Bakı: Elm. 2018.

Cəfər qulu xan: Sən, ey Pəri, mələk pərvərdəsisən,

Həmişə deyərdin: "Biz çakərik ona."

Nədən ötrü bizdən kənar gəzərsən?

Nə tabe olubsan sərasər ona?

Aşıq Pəri:

Nə şayəstə bu sözləri danışmaq,

Besyardır mərdi-xidmətkar ona.

Saymanıq soltanı, xanı, paşanı,

Nə şah bir söz deyər, nə sərdar ona.

Xan:

Nə xoş güftarı var, nə xoş sadədir,

Bu dərdim hamıdan çox ziyadədir,

Doğrudur, dibaçə məlikzadədir,

Bəs niyə deyirlər sitəmkar ona?

Pəri:

Xanzadəsən, söz tapıram sözündən,

Əyri demə, doğru söylə düzündən,

Zülm etməklə yox xəbərin özündən,

Hər yerdə deyirlər rahbər ona.

Xan: Əzəl başdan Mirzəcandır ustadın,

Cəmiyi-Dizaqda söylənir adın,

Nə səbəbdən sizin bala Fərhadın,

Gah xoxən deyərlər, gəh pəsər ona?

Pəri:

Mirzə Qədir sənin ustadi-pirin,

Zişt danışmaqlıqda yox bərabərin,

Xoxən Abdulladan yoxdur xəbərin,

Demə bundan sonra sən pəsər ona.

Xan:

Arifəm, bir yerdə yarı görəndə,

Mən nə deyim bu düxtəri görəndə?

Əql itirdim mən əğyarı görəndə,

Neçün göstəribsən etibar ona?

Pəri:

Dağam, gül yanında xarı görəndə,

Tərlan ovlağında sarı görəndə,

Sən ki, eşq əhlini, karı görəndə,

Pəriyəm duaçı aşikar ona.