Dönübdü (Aşıq Qurbani)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Dönübdü
Müəllif: Aşıq Qurbani
Mənbə: Azərbaycan aşıq şeirindən seçmələr, İki cilddə, I cild. Bakı, "Şərq-Qərb", 2005. ISBN 9952-418-41-5

Hicran gecələri qayğı çəkməkdən,
Əlif qəddim əyri yaya dönübdü.
Bədəsilin eşidəntək sözlərin,
Yəqin etdim, ömrüm zaya dönübdü.

Dünyada qalmayıb zәrrәcә hörmәt,
Qardaş qardaşına eylәr xәyanәt,
Gәdalar bәy olub, bәylәr rәiyyәt,
Ağ pullar çönüb ribayә dönübdü.

Uçuşur dumalar, səkir teyhular,
Namərd adam qalibliyin arzular,
Bulandı dəryalar, həm daşdı sular,
Qaynaqsız bulaqlar çaya dönübdü.

Biz də qonaq olduq qarslı Osmana,
Yunis tək mat qaldıq bəhrü-ümmana,
Qurbani der: dönsün belə zamana,
Göydəki ulduzlar Aya dönübdü.