Düymələmə

Vikimənbə saytından
Jump to navigation Jump to search
Düymələmə
Müəllif: Aşıq Seyid İbrahim
Mənbə: Şəhla Musayeva (2020). Köhnə ustadla yeni tanışlıq (az). archive.org. Yoxlanılıb 2020-04-19.


 
Ay ləbləri ballı gözəl,
Gəl yaxanı düymələmə.
Düzlübdü ağ buxağa
Bal, yaxanı düymələmə.
 
Bu gələn mələkzadədi,
Əlində dolu badədi.
Cüt qoşa narlar səndədi
Bil, yaxanı düymələmə.
 
Seyid İbrahim el aşığı
Yox zülfünün dolaşığı.
Bu könlümün yaraşığı
Ol, yaxanı düymələmə.