Dırqınada
| Dırqınada (XIX əsr) Müəllif: Xəstə Hasan |
| Mənbə: "Ozan dünyası" jurnalı. №1(1), 2010. səh.78 |
Erməniyə yol açıldı,
Yuva saldı Dırqınada.[1]
Yerli getdi, yersiz qaldı,
Əcəb haldı Dırqınada.
Adına deyillər Tigrən,
Üzündəki ətdən igrən,
Əlindəki dəmir dirgən,
Çalhaçaldı Dırqınada.
Çayırları düz gördülər,
Özlərini yüz gördülər,
Xəstəni yalqız gördülər,
Qalmaqaldı Dırqınada.[2]
İstinadlar[redaktə]
- ↑ Dırqına aşığın anadan olduğu kənddir. Sonradan ora ermənilərin köçürülməsi ilə əlaqədar Xəstə Həsən Lebis kəndinə köçmüş, ömrünün sonuna qədər orada yaşamışdır.
- ↑ Azərbaycan aşıq şeirindən seçmələr, İki cilddə, I cild. Bakı, "Şərq-Qərb", 2005. ISBN 9952-418-41-5