Dərdi-eşqə hər ki, ol dəmsaz ola

Dərdi-eşqə hər ki, ol dəmsaz ola Müəllif: Həbibi

Mənbə: Həbibi (2006). Şeirlər (az). "Şərq-Qərb". Orijinal mənbədən 2017-04-27 tarixində arxivləşdirilib. Yoxlanılıb 2017-04-27.

Dərdi-eşqə hər ki, ol dəmsaz ola
Ol gərək labüd ki, əhli-raz ola.

Aşiqi-sadiq odur məşuqunun
Yoluna can tərk edə, sərbaz ola.

Dəmdə min gəz qal edərsə aşiqi,
Qəmzəsi məşuqunun xud az ola.

Aşiqa, cövrü cəfavü dərdü qəm,
Zövqü şadi, hüsnü xülqü naz ola.

Hər məzəllət ki, irişə məşuqdən,
Aşiqə xud ol qəmu ezaz ola.

Aşiq anda necə tövbə edə kim,
Abü səbzə, şahidü mey saz ola.

Erişəməz şol hümanın zülfinə
Mürği-dil gər şahinü şahbaz ola.

Ey Həbibi, xoşdürür cami-şərab,
Xassə kim, məhbubi xoş avaz ola.