Dəyməz, ay üzlü diləbrim
Dəyməz, ay üzlü diləbrim Müəllif: Vüqar Biləcəri Tərcümə edən: Hüseyn Cəlilov |
Mənbə: Vüqar Biləcəri. "Qərib xəyal" kitabı. Səh 28-29 |
Dəyməz, ay üzlü diləbrim,
Gərdi-rəhin bəhasına.
Dürrün əcib səfalısı,
Gövhərin ən cilalısı.
Mah desəm, ucuz çıxar,
Şah desəm, ucuz çıxar.
Vəsfi-Əlidə söz deyil,
Sözlərin ən bahalısı.
Ey şəhi-mülki-lafəta,
Varlığı sirri-Həl-Əta,
Şahların ən şərəflisi,
Mərdlərin ən şücalısı.
Sübhimi şamə döndərib,
Şamımı sübhə döndərib.
Şəms kimi ziyalısı,
Mah kimi liqalısı.
Ey könül, istəsən günün,
Xoş keçə zövqi-vəsl ilə,
Ol səri-kuyi-Yaridə,
İtlərin ən vəfalısı.
Xaliqi feyziyab edər,
"Ya Əli, Ya Əli" səsi,
Zikri-cənabi-Cəbrəil,
Zikrilərin səfalısı.
Eşqi-Əlidə ol fəna,
Hubbi-Əlidən al səfa,
Olma hər eşqə mübtəla,
Hər gözəlin həvalısı.
Xatəmi el misal çəkər,
Əhli-səxavətin gözü,
Açsa kərəm xəzinəsin,
Yox Əlidən səxalısı.
Aləmi-eşqə cürbəcür,
Aşiqi-canfəda gəlib,
Dəşti-bəlada yox, Vüqar,
Sən kimi baş bəlalısı.