Dağlar (Ağdabanlı Qurban)

Eyni adda digər əsərlər üçün dəqiqləşdirmə səhifəsinə baxın.

Dağlar Müəllif: Ağdabanlı Qurban

Mənbə: "Azərbaycan Aşıqlar Birliyi: Ozan dünyası. №4(11)" (PDF) (az.). "Ozan dünyası" jurnalı. 2012. 2017-05-18 tarixində arxivləşdirilib (PDF). İstifadə tarixi: 2017-05-18.

Qışda, yazda, yayda sənin
Əskik olmaz qarın, dağlar.
Al yaşıla bəzənirsən,
Gələndə baharın, dağlar.

Desəm dərdim, kim inansın,
Məni sənə Məcnun sansın.
Baisləri oda yansın,
Deyim: sən huşyar ol, dağlar.

Viran könlüm olur abad,
Yazıq canım qəmdən azad.
Səlvi ilə Qurbanı şad
Eylə, murğuzar ol, dağlar.