Dağlara

Dağlara Müəllif: Ərzurumlu Əmrah

Mənbə: Anar. Min beş yüz ilin oğuz şeri. Antologiya, I kitab (az.). Bakı: "Azərbaycan". 1999. 2017-07-08 tarixində arxivləşdirilib (PDF). İstifadə tarixi: 2017-07-08.

Tutam yar əlindən, tutam,
Çıxam dağlara, dağlara.
Olam bir yaralı bülbül,
Enəm bağlara, bağlara.

Biri bilir, mini bilməz,
Bu dünya kimsəyə qalmaz.
Yar ismini desəm olmaz,
Düşər dillərə, dillərə.

Əmrah aydır: bu günümdü,
Ərşə çıxan tütünümdü,
Yarə gedəcək günümdü,
Düşəm yollara, yollara.