De gəlsin (Aşıq Rəcəb)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
De gəlsin
Müəllif: Aşıq Rəcəb
Mənbə: Paşa Əfəndiyev (2017). Molla Cümə (həyatı və yaradıcılığı) (az). "Ləman nəşriyyat poliqrafiya". Yoxlanılıb 2018-08-31.

(Hurinin dilindən)
Məndən xəbər apar butam Rəcəbə,
Baxmasın dağlarda qara, de, gəlsin.
Vaxtlı-bivaxt mənim gözüm yoldadı,
Əglənməsin, şanlı yara de, gəlsin.

Aşıqlar can qoyur bablı babına,
Qəndim-şəkər axar dil-dodağına.
Mən də mail oldum eşq kitabına,
Bülbül isə ahı-zara, de, gəlsin.

Bülbül deyər, bağda gülşən itibdir,
Avara düşmüşəm, məskən itibdir.
Əli sazlı cavan oğlan itibdir,
Ciyər olu həzar para, de, gəlsin.

Bir dərdə düşmüşəm, tapılmaz dərman,
Yarəb, harda qaldı həkimi-loğman?
Başına döndüyüm, eylə bir ehsan,
Bəlkə, bu dərdimə çarə de, gəlsin.

Gecə-gündüz çəkdiyim əzabdır?
Yarı görmək kisvə qılan savabdır.
Huri deyər, sevdigim aşıq Rəcəbdir,
Gizlin deyil, var, aşkardı, de, gəlsin.