Dedilər (Aşıq Qurbani)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Dedilər
Müəllif: Aşıq Qurbani
Mənbə: Aşıq sənəti / Aşıq poeziyası: Qoşma

Yatmışdım, üstümə gəldi ərənlər,
Oğlan, nə yatmısan, oyan dedilər.
Düldülün sahibi, Qəmbər ağası,
Budur, ona Şahi-Mərdan dedilər.

Oyandım qəflətdən, açdım gözümü,
Ərənlər payinə sürtdüm üzümü,
Dindirdilər, haq söylədim sözümü,
Hər kəlməmə doxsan bəyan dedilər.

Qurbani, batıbsan qəm dəryasına,
Ovçunun məskəni dağ arxasına,
Bir sığal verdilər gönül pasına,
Aşiqi məşuqa qurban dedilər.