Demək olmaz (Miskin Həsən)

Demək olmaz Müəllif: Miskin Həsən

Mənbə: Azərbaycan Aşıqlar Birliyi (2020). Ustad nəfəsli saz-söz ərməğanı (az). “Zərdabi Nəşr” MMC nəşriyyatı. Orijinal mənbədən 17 iyun 2023 tarixində arxivləşdirilib. Yoxlanılıb 17 iyun 2023.

 
Qəza hərdən kəməndini atanda,
Kəməndə düşənə qaç demək olmaz.
Gördün ki, dost sirri səndən pünhandı,
Üz vurub o sirri aç demək olmaz.

Xəstəni görəndə demə bihaldır,
Demə ölüb-dirilməyi mahaldır,
"Yatan ölməz, yetən ölər" misaldır,
Vaxtı çatmayana köç demək olmaz.

Miskin Həsən günlər keçib-gəlməklə,
Beşi ağlamaqla, beşi gülməklə,
Beşi dirilməklə, beşi ölməklə,
Dünyanın sonuna puç demək olmaz.