Dilbəra, şəmsüzzühadır ayəti-rüxsarınız

Dilbəra, şəmsüzzühadır ayəti-rüsxarınız Müəllif: İmadəddin Nəsimi

Dilbəra, şəmsüzzühadır ayəti-rüxsarınız,
Ayəti-tahavü yasin surəti-didarınız.

Qamətin tubadurur, nun vəl-qələmdir qaşların,
Hazihi cənnati-ədnin lə’li-şəkkərbarınız.

Sureyi-vəlleyl zülfün, gözlərin nə’məlbəsər,
Leyk sübhanəlləzi-əsradurur əsrarınız.

Surətin vəşşəms oxuram dəmbədəm ixlas ilə
Ta ki, hüsnünü bəladən saxlasın cəbbarınız.

Qul kəfa billahidir zikri Nəsimi xəstənin,
Həq bilir kim, sümmə-vəchullahdurur didarınız.