Eşqin əzablarından sənə şikayətim var

Vikimənbə saytından
Jump to navigation Jump to search
Eşqin əzablarından sənə şikayətim var
Müəllif: Xaqani Şirvani
Tərcümə edən:M.Mübariz
Mənbə: Xaqani Şirvani. Seçilmiş əsərləri. Bakı, "Lider nəşriyyat", 2004.

Eşqin əzablarından sənə şikayətim var,
Məni dinlə, bağrımı hicran odu yandırar.

Nur qalmadı gözümdə, tökdükco göz yaşları,
Gəncliyim eşq odunda yandı mənim, a dostlar!

Kaş gözüm kor olmadan yar üzünü görəydim,
Kaş verəydi eşqimin cavabını o dildar.

Səni sevdim, süründüm, dostlar məni danladı,
Danlaq məgər aşiqi eşq əlindən qurtarar?

Qədəh götür, mey gətir, dumanlandır başımı,
O şərabdan içirt ki, Günəş kimi nur saçar.

Bu rəsmdir, deyirlər, duman çöksə Günəşdə,
Sərab olan vadilər dəniz kimi parlayar.