Ev əşyaları (tapmaca)

Vikimənbə saytından
Jump to navigation Jump to search
Tapmacalar Ev əşyaları haqqında
Müəllif: Şifahi xalq ədəbiyyatı
Mənbə: Tapmacalar. Bakı,2004

At baba, ha hut baba,
Dolan evi yat, baba.
(Süpürgə).

Şəkli işıqdan,
İpi var mıxdan.
(Güzgü).

Anası qundaqda yatır,
Oğlu bazara gedir.
(Güllə və giliz).

Əyri-müyrü hara gedirsən?
Təpəsi dəlik, sən nə deyirsən?
(Tüstü və baca).

Dam üstə at kişnər.
(Novdan).

Suda bitər,
Suda itər.
(Buz).

Bizim evdə iki gəlin var —
İkisi də bir boyda.
(Qapılar).

Bir öküzüm var —
Quyruğundan tutmamış,
Töləyə girməz.
(Qaşıq).

Alçaq kişi çəpər hörür.
(İynə).

Alçaq dağdan qar yağır.
(Ələk).

Atdan hündür, itdən alçaq.
(Yəhər).

Yol içində yoğun qarı.
(Təndir).