Ey bala, ey quzu, ey şux məmə, qurban gözünə

Vikimənbə saytından
Jump to navigation Jump to search
Ey bala, ey quzu, ey şux məmə, qurban gözünə
Müəllif: Hacı Rza Sərraf
Mənbə: Tərtib edəni: Zaman Əsgərli (2005). XIX əsr Azərbaycan şeiri antologiyası (az). Milli Kitabxana. "Şərq-Qərb". Orijinal mənbədən 2016-03-05 tarixində arxivləşdirilib. Yoxlanılıb 2016-08-13.

Ey bala, ey quzu, ey şux məmə, qurban gözünə,
Olürəm, bir belə qoyma nəmə, qurban gözünə.

Xəmi-zülfün çəməni-arizə çəm tək döşəmə,
Mayil olma bu qədər çəm-xəmə, qurban gözünə.

Görürəm, xalq deyər qaşına qurban kəsilim,
Deyirəm mən yenə, bainhəmə, qurban gözünə.

Hər səri-muyi-kəcində, düzü, min aləm var,
Necə verrəm səni bir aləmə, qurban gözünə.

Var gözəlim, çün dəmi-İsa, dəmi-canbəxşində,
Gəl otur, bircə verək dəm-dəmə, qurban gözünə.

Dini yox, kafiri-sərgəştədi, bədnam olusan,
Vermə üz zülfi-xəməndərxəmə, qurban gözünə.

Necə kim, Yusifə dedilər: Bu mələkdir, nə bəşər,
Səndə var indi həman həmhəmə, qurban gözünə.

Qoymusan indi ki, Sərraf adını aşiq əmən,
Ver icazə ləbi-ləlin əmə, qurban gözünə.