Ey könül, aldanma dünya bivəfa hökmündədir
Ey könül, aldanma dünya bivəfa hökmündədir Müəllif: Vüqar Biləcəri Tərcümə edən: Hüseyn Cəlilov |
Mənbə: Vüqar Biləcəri. "Qərib xəyal" kitabı. Səh 27 |
Ey könül, aldanma dünya bivəfa hökmündədir,
İbtidasından xərab olmuş fəna hökmündədir.
Hansı aşiq ki, şəhidi-tiri-qəmzəndir sənin,
Eşqin hökmüylə şəhidi-Kərbəla hökmündədir.
Qalxa bir insan əgər hökmi-Əlinin ziddinə,
Nütfəsi napakdır, hökmən gəda hökmündədir.
Sübh üzündən çəkdi zülfün mahım, etdi gün tülu,
Gözlərim açdım, namaz gördüm qəza hökmündədir.
Ol güli-Zəhra Həsən səbri, Hüseyn əzmindədir,
Müstəfa xülqündədir, həm Mürtəza hökmündədir.
İtrəti-Xətm-Rəsulun həqqin inkar eyləyən,
Ən rəzil varlıqdır, itdən bihəya hökmündədir.