Eylə (Aşıq Valeh)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Eylə
Müəllif: Aşıq Valeh
Mənbə: Aşıq Valeh (1729 - 1822) (az). shahbulaq.az (11.02.2013). Yoxlanılıb 2015-04-22.

Alçaqlı, ucalı dağlar,
Halal eylə, hümmət eylə.
Qarşı qarşı duran bağlar,
Halal eylə, hümmət eylə.

Köçüm gedir düzlərinən,
Dövran sürdüm sizlərinən,
Neçə gəlin, qızlarınan,
Halal eylə, hümmət eylə.

Valeh gedir bir murada,
Sığınıbdı min bir ada,
Ya gələ, ya gedə bada,
Halal eylə, hümmət eylə.