Eylədi (Şımpırlı Sevgili)

Vikimənbə saytından
Jump to navigation Jump to search
Elədi
Müəllif: Şımpırlı Sevgili
Mənbə: Hüseyn İsmayılov, "Göyçə aşıqları və el şairləri", I cild. Bakı: "Səda", 2006. səh.122.

Yarın naməsi yetişdi,[1]
Ürəyimi şad eylədi.
Darda qalan ufacığı,
Qəfəsdən azad eylədi.

Dilbilməzdim - tutulaşdım,
Eşqə dolub qatılaşdım.
Belə niyyət tutmamışdım,
Görklü Məhəmməd eylədi.

Haqqım mənə əta verdi,
Ağlım alan badə verdi,
Sevgiliyə buta verdi,
Admı Mahmud eylədi!

İstinadlar[redaktə]

  1. Azərbaycan aşıq şeirindən seçmələr, İki cilddə, I cild. Bakı, "Şərq-Qərb", 2005. ISBN 9952-418-41-5