Eyləmisən

Eyləmisən Müəllif: Şair Məmmədhüseyn

Mənbə: Şair Məmmədhüseyn (2018). Nur çeşməsi (az). Elm və təhsil. Yoxlanılıb 2018-09-20.

Molla əmi, gecənin bu vaxtında
Nə əcəb bizləri yad eyləmisən.
Kitabın, dəftərin, qələmin hazır,
Nə yaxşı bəndəni ad eyləmisən.

Məzlum durub nə çəkirsən ahu-zar,
Hələ ölməmisən itib sanalar.
Yaxşı şeydi, olsa abır-həyalar,
Zəhmətin əbəsdən bad eyləmisən.

Müftə yığıb, müftə yeyib yatansan,
Sən igidi bir beçəyə satansan.
Nəzir verrəm əməlindən utansan,
Demə, Məmmədhüseyni şad eyləmisən.