Göründün

Vikimənbə saytından
Jump to navigation Jump to search
Göründün
Müəllif: Şair Məmmədhüseyn
Mənbə: Şair Məmmədhüseyn (2018). Nur çeşməsi (az). Elm və təhsil. Yoxlanılıb 2018-09-20.

Lalə, nərgiz içində qız,
Hər güldən ötkün göründün.
Mənim bu sərraf gözümə,
Ay göründün, gün göründün.

Dil ver dedim, dil vermədin,
Gül ver dedim, gül vermədin.
Qalıb ağlımda surətin,
Al donu çin-çin göründün.

Boy-buxunlu dümağ sinə,
Həsrət çəkər el üzünə.
Yazıq şair Məmmədhüseynə,
Can alan, yetkin göründün.