Görməsin

Vikimənbə saytından
Jump to navigation Jump to search
Görməsin
Müəllif: Aşıq Qurbani
Mənbə: Azərbaycan aşıq şeirindən seçmələr, İki cilddə, I cild. Bakı, "Şərq-Qərb", 2005. ISBN 9952-418-41-5

Xandı gələn, vəzirlər də yanınca,
Çək pərdəni, naməhrəmlər görməsin!
Kaş öləydim bu günlərə qalmca,
Çək pərdəni, naməhrəmlər görməsin!

Səs yayılar, sirrimizi bildirər,
Dost-düşməni axır bizə güldürər,
Müxənnətin sözü adam öldürər,
Çək pərdəni, naməhrəmlər görməsin!

Qurbani, başına yağar yağış, qar,
Ah, necə vətəndən oldum dərbədər,
Bu sevdaya düşən çəkər ahü-zar,
Çək pərdəni, naməhrəmlər görməsin!