Gözəl (Nəbi Miskin)

Eyni adda digər əsərlər üçün dəqiqləşdirmə səhifəsinə baxın.

Gözəl Müəllif: Nəbi Miskin

Mənbə: Səməndər Məmmədov (2013). Şair Nəbi Miskin – 140: Mən Nəbiyəm, aşıqların zəriyəm (az). Azərbaycan Aşıqlar Birliyi. "Ozan dünyası" jurnalı. Orijinal mənbədən 2016-08-09 tarixində arxivləşdirilib. Yoxlanılıb 2016-08-09.

Səhərdən bəklədim mən yollarını,
Bir gəlib qarşımdan ötəsən, gözəl!
Sən özün bilmirsən öz murazını,
Mən yaxşı bilirəm butasan, gözəl!

Yetmişə yetsən də, mən səni allam,
Dərgah-ilahiyə min dua qıllam.
Aylarınan xəstə düşsəm, sağallam,
Sən gəlib qolumdan tutasan, gözəl!

Mən Nəbiyəm, aşıqların zəriyəm,
Yanıram oduna, eşq əsəriyəm.
Gəlmişəm qapına, bil, müştəriyəm,
Ləbinin balından satasan, gözəl!