Gözəlin (Aşıq Əli Xanxanımoğlu)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Gözəlin
Müəllif: Aşıq Əli Xanxanımoğlu
Mənbə: Yusif Səfərov (2011). Naxçıvan aşıqları və el şairləri (az). Naxçıvan: "Əcəmi" NPB. 2017-10-05 tarixində arxivləşdirilib. 2017-10-05 tarixində istifadə olunub.


Gözü badamıdı, gərdəni mina,
Şişədəndi solu, sağı gözəlin.
Kəbə qəndilidi püstanı-rəna,
Qoynu içi cəmıət bağı gözəlin.

Başına örtübdür ağ nazik cuna,
Yaxılmış əllərə al-əlvan həna.
Camalı lağ edir günə, həm dana,
Yanaqları gül yarpağı gözəlin.

Əli görməyibdi sən tək növcəvan,
Hökmündədir Gəncə, Şəki, İrəvan,
Səhər yeli əsdi, aşdı giriban,
Qoruq olub gecə bağı gözəlin.