Gözlə

Gözlə Müəllif: Məhəmməd Zülfüqaroğlu

Mənbə: Tariyel Qəni. "ŞİRVANIN ŞAMLI ELATININ AŞIQ VƏ EL ŞAİRLƏRİ" (PDF). "Ozan dünyası" jurnalı (az.). azab.az. 2015. İstifadə tarixi: 2016-02-04.

Hər bir işin pərdəsi var,
Həyanı tut, arı gözlə.
Məhəbbəti qoru, saxla,
Əziz vardı, yarı gözlə.

Əvəz olmaz ötən günlər,
Arzulara yetən günlər,
Ağır olur itən günlər,
Xoş rüzgarını gözlə.

Məhəmməd, söz təşnəsisən,
Bu yol ilə getməlisən,
Hər arzuna yetməlisən,
Cəhənnəmi, narı gözlə.