Gül üzə-üzə

Gül üzə-üzə Müəllif: Şair Məmmədhüseyn

Mənbə: Şair Məmmədhüseyn. "Nur çeşməsi" (PDF) (az.). Elm və təhsil. 2018. İstifadə tarixi: 2018-09-20.

Yarım, çıx görüşə seyr edək bağı,
Gəzək çəmən boyu gül üzə-üzə.
Salma ürəyimə gəl yaman dağı,
Tökmə qaş-qabağı, gül üzə-üzə.

Bəsdi çəkdin varlığımı sən dara,
Atma məni yaman günə, gəl dara.
Qara zülfə vur darağı, yar, dara,
Mən də mahnı deyim, gül üzə-üzə.

Məmmədhüseynin ol ömrünün yarağı,
Öz əlinlə ver içərəm, yar, ağı.
At qaranı, geyin-kecin, yar ağı,
Sevinim, çıxıbdı gül üzə, üzə.