Gül camalm gülə dedi: — Dur, pərdə sal üzündən

Gül camalm gülə dedi: — Dur, pərdə sal üzündən Müəllif: Nizami Gəncəvi Tərcümə edən: Cəfər Xəndan

Mənbə: Anar. Min beş yüz ilin oğuz şeri. Antologiya, I kitab (az.). Bakı: "Azərbaycan". 1999. 2017-07-08 tarixində arxivləşdirilib (PDF). İstifadə tarixi: 2017-07-08.

Gül camalm gülə dedi: — Dur, pərdə sal üzündən,
Güllər zünnar bağlamışdır yanağından, üzündən.
Görürəm ki, qan ötmüşdür niqabmı qönçənin,
Xəcalətdən bürünüb ki, görməyəsən bəlkə sən.
Qulac-qulac saçlarım açılanda mətai,
Bənövşələr keçmək üçün yük bağladı bilirsən.
O ərğəvan camalını bir işarə etməsi
Yasəməni lal eylədi, süsən qaldı sözündən.
Əgər dava edirsənsə, gülə söylə hökmünü,
Çünki nərgiz xumar olmuş, yuxu yağır gözündən.
Nizamilə çox əlləşdi bülbül etsin rəqabət,
Bu qəzəli eşidəndə susdu, getdi özündən.