Gülgəz (Aşıq Abbas Tufarqanlı)

Eyni adda digər əsərlər üçün dəqiqləşdirmə səhifəsinə baxın.

Gülgəz Müəllif: Aşıq Abbas Tufarqanlı

Mənbə: Azərbaycan aşıq şeirindən seçmələr, İki cilddə, I cild. Bakı, "Şərq-Qərb", 2005. ISBN 9952-418-41-5

 
Qurban olum səni çəkən nəqqaşa,
Yetirdin dəstimi damana, Gülgəz!
Qüdrət qələm çalmış o qələm qaşa,
Bənzər əbruların4 kamana, Gülgəz!

Gəl verək əl-ələ, çıxaq bu bağa!
Gül gülə sarmaşır, budaq budağa,
Üz-üzə dayanaq, dodaq-dodağa,
Ağ sinən sinəmə dayana, Gülgəz!

Üzəngini basım, Gülgəzim, atdan!
Sən məni qurtardın alovdan, oddan,
Abbasın sevdiyi, xabi-qəflətdən,
Silkinib çıxasan bu yana, Gülgəz!