Gülsüm (Aşıq Cəfərqulu)

Vikimənbə saytından
Jump to navigation Jump to search
Gülsüm
Müəllif: Aşıq Cəfərqulu
Aşıq Cəfərqulu 1885-ci ildə Laçın bölgəsinin Seylanlı kəndində dünyaya gəlib.
%25 tamamlandı

Adımı ucaldıb sən dağ eylədin,
Ay mənim evimin xanımı Gülsüm.
Qazandığım çörək halaldı sənə,
Artır şöhrətimi, şanımı, Gülsüm.

Giley-güzar görməmişəm dilində,
Sən sonasan, üz eşqimin gölündə.
Gözümü qırpmadan sənin yolunda,
Fəda eləyərəm canımı, Gülsüm.