Günbəgün (Şair Məmmədhüseyn)

Vikimənbə saytından
Eyni adda digər əsərlər üçün dəqiqləşdirmə səhifəsinə baxın.
Günbəgün (Şair Məmmədhüseyn)
Müəllif: Şair Məmmədhüseyn
Mənbə: Şair Məmmədhüseyn (2018). Nur çeşməsi (az). Elm və təhsil. Yoxlanılıb 2018-09-20.

Zalım fələk, bu nə qəsdir edirsən,
Yandırdın cismimi nara günbəgün.
Dərdi-qəmim ümman olub daşıbdır,
Gəlmişəm əlindən zara günbəgün.

Bir həmdəmim, bir sirdaşım, bir arxam,
Köməyimdir o qocalmış pir atam.
O da eldən getdi, kəsildi çarəm,
Etdin məni bəxti qara günbəgün.

Nə qəsdin var mənim ilə çəkirsən,
Var ömrümə sən od-alov tökürsən.
Mən tikirəm, sən bir ucdan sökürsən,
Salırsan çıxılmaz dara günbəgün.