Gələn birdir, gedən birdir, qalan bir

Vikimənbə saytından
Jump to navigation Jump to search
Gələn birdir, gedən birdir, qalan bir
Müəllif: Mirzə Mehdi Şükuhi
Mənbə: Mirzə Mehdi Şükuhi. Şeirlərazadliq.org saytı. Yayımlanıb: 13.07.2014

Gələn birdir, gedən birdir, qalan bir,
Gələn qalmaz, gedən gəlməz, əcəb sir.

Bir əvvəl var, bir axir var deyillər,
Bu bir sözdür, nə əvvəl var, nə axir.

Açar min məclisi-bazi dəmadəm,
Tamaşayə qurulmuşdur bu çadir.

Məali-küfrü imandən xəbər yox,
Nə fərq eylər bu mömindir, o kafir.

Tərazi-xaməsindən tük yayınmaz,
Təaləllah, əcəb ustadi-mahir.

Yaman getdi cavanlıq, mən qocaldım,
Pəri kuyində bir div oldu zahir.

Nə hasil zurü zərdən cüz təəssüf,
Driğa, gənci-Xosrov, cəngi-Nadir.

Şükuhi ölməyincə bu tilsimi
Deyil sındırmağa bir kimsə qadir.