Gərək (Məlikballı Qurban)

Eyni adda digər əsərlər üçün dəqiqləşdirmə səhifəsinə baxın.

Gərək Müəllif: Məlikballı Qurban

Mənbə: Azərbaycan aşıq şeirindən seçmələr, İki cilddə, I cild. Bakı, "Şərq-Qərb", 2005 (az). Orijinal mənbədən 2010-09-23 tarixində arxivləşdirilib. Yoxlanılıb 2016-08-06.

Gözəl olan verir özünə bəzək,
Gözü nərgiz, şimşad ayağı gərək.
Giribani hər tərəfdən ola çak,
Görünə sinənin ay ağı gərək.

Gəl, gir bu bağçaya laləsin bilək,
Görək qönçələrin, laləsin bilək,
Gəlməz təkəllümə laləsin bilək,
Gər olmuş əğyara a yağı gərək.

Geyin al yaşılı, gəl olma binəng,
Gəşq eylə səhranı, gəl olma binəng,
Məlikballı Qurban, gəl olma binəng,
Kababın yanmağa a yağı gərək.