Gedirəm (Aşıq Camal)

Vikimənbə saytından
Naviqasiyaya keçin Axtarışa keçin
Eyni adda digər əsərlər üçün dəqiqləşdirmə səhifəsinə baxın.
Gedirəm
Müəllif: Aşıq Camal
Mənbə: Paşa Əfəndiyev (2017). Molla Cümə (həyatı və yaradıcılığı) (az). "Ləman nəşriyyat poliqrafiya". Yoxlanılıb 2018-08-31.

Seyr elədim İstambulun elini,
Qədəm basıb İsfahana gedirəm.
Yeddi ildir yarın həsrətindəyəm,
Alışıban yana-yana gedirəm.

Mən yarın yolunda çox çəkdim cəfa,
Getməsəm, olaram, şəksiz, bivəfa.
Ollam qabağında Bağdad xəlifə,
Mən dərdliyəm, yar, dərmana gedirəm.

Aşıq Camal yola tikmiş gözünü,
Bəndə poza bilməz xuda yazanı.
İsfahanda Nadir şahın qızını
Puta içib Zərnişana gedirəm.