Getdi (Köçdü Xançobanım fani dünyadan)

Eyni adda digər əsərlər üçün dəqiqləşdirmə səhifəsinə baxın.

Getdi (Köçdü Xançobanım fani dünyadan) Müəllif: Aşıq Bəsti

Mənbə: Aşıq Bəsti. "Bənövşələr" (PDF) (az.). Gəncə. 2013. 2018-09-14 tarixində arxivləşdirilib (PDF). İstifadə tarixi: 2018-09-14.

Köçdü Xançobanım fani dünyadan,
Nərgizlər dağlarda bitməmiş getdi.
Qaranquş eyvanda yuva qurmamış,
Quşlar bala üstə yatmamış getdi.

Ağçınqıl bəzəndi, cunalı qaldı,
Kəkliyin əlləri xınalı qaldı.
Gölləri ördəkli, sonalı qaldı,
Heyif, yar muraza yetməmiş getdi.

Gözəllər yığnağı, çeşmələr başı,
Qızların dəstəsi bir üzük qaşı...
Bəsti fəğan eylər, ağladar daşı,
Ağ əllərin xına tutmamış getdi.